قريب الروح - سجينة جرح

قريب الروح والقلب ومكانه العين
و ما كأنه إلا منازع روحي بمحلها

صحيح واحد بس بالشعور عن اثنين
له مكانة بالضماير ما غيره دخلها

في ظرف موقف اختصر عِشرة سنين
الين ايقنت انه عن جروحي عوضها

ماغرته فيني عواذلنا وانس الشياطين
ولدروب الردى اعمى نظر يتجاهلها

من تربى شرواه بين ناس اصيلين
يبتعد عن اهل الردى ولا يوالفها

اعزه معزة بمقام شيوخ وسلاطين
واداري روحه من الحزن يتخللها

واكف طاريه عند ناس ملاعين
وناس ما تخاف ربي فيه اتجنبها

ما ينطرى قدامي الا بكل زين
وناس تعذربه عندي اعرف اجعمها

اداري خاطره وخاطره عن ملايين
وما فيه حاجة لجل بسمته ما افعلها

احبه وهو بوجهي من غثى السنين
وبالليالي السود وضيقته انا سندها

© 2024 - موقع الشعر