من سعى بالمضره وباغي الله ينصره
علموه اللي نوى يدوس... ينداس
و العمر به لو يطول .. بيخسره
و ما يكفيهم عمر ..ذول الأنجاس !
مثل أبليسٍ يبي الله للقيامه ينظره
واللي ساعي جابر ل خاطر الناس
لا شك ربي .. كل كسر بيجبره
وأحذر بخطوتك يا كم يوجع الفاس
وانت بغنى عنه .. لا راسك يكسره
وإحذر توصّل شخصك لحد الافلاس
ترا سقيم النفس .. كلٍ يهجره
و إجعل كلامك ثمين وسكوتك أساس
ولا جادلك شخصٍ سفيهٍ ..أحقره
بعض البشر حكيه مثل رمي الاقواس
وبعض البشر يعد الين ياصل خنصره
يخاف يخنق بالحكي بعض الانفاس
ويا كم ليلٍ لجل كلمه جارحه اسهره
وألا يا قلبي الصابر .. ؛ عوافي ولا باس
على الله يجيني فرح و الحزن ينحره
أنام وأصحى على نفس الإحساس
كن دمعي عالقٍ .. في الحنجره !!
وكن ما وفا لي بدنيتي سوا الياس
وكن البلا حالف يكون خافقي مِنبره
ياكم أحاول أخفي، لكن الوجد دسّاس
وأضحك مثل وردٍ على مقابر تنثره
و يا كم راح و غدا بيّ ... هوجاس
وفكرٍ مثل سهمٍ،يصر ضعفي يظهره!
و كن كل هالعالم على الجرح جلاس
وشبعت من خوه مابها أيّ مفخره!
وين الخويّ اللي بخوته،عز ونوماس
ولا عفيت لن العفو لابد عند المقدره
ماهو غبا ،الغبا اللي يعزون الادناس
ويا الله داخل عليك من زمان الثرثره
وأعوذ بك من كل وسواس خناس
و أرجوك تكتب لي الأجر و المغفره
لو ماني حيٍ .. و ما عاش هالراس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين