نكون أخوان

لـ ، ، في العتب والفراق، آخر تحديث :

نكون اخوان .. دام الحب مارجحت موازينه
وليلٍ خلد الذكرى حرام يزورنا عدوان
ترا صدق الشعور ابلغ ولو غير عناوينه
وقلبٍ ساق لك وده نذر لو تهجره ما خان
انا عونك اذا وقتك يخالط قسوته لينه
وانا لك بالعمر قصة وفاء تتمثل بانسان
انا لا قلت انا فعلم من الي ضاعة سنينه
مثل كبش الفدا لجلك نحرها و احتقن حرمان
ابي اغفى على هامش حلم منسي وله حينه
اذا شفت الزمن قاسي ذكرته وقلت كان وكان
هذاك الي .. لجل عيني نسى اهله ومحبينه
هذاك الي .. نذر يبقى وفي واهديته الخذلان
هذاك الي .. عطاء كله وشكتني له دواوينه
ولا عمره شكى صدي ولو قلبه صريع احزان
حبيبي .. وصها طيوفك ( في ليله لا تخلينه )
آمانه لا غفت عيني الاقي بك سماء ووطان
تعب قلبي من اشياءٍ بقت لك مستفزينه
وغلاك الي تخلد بالحشى وتملك الوجدان
حبيبي .. دامها القسمه محبك ربه يعينه
نكون اخوان من اجل الوصل راضي ( بلا خلان )

حقوق النشر محفوظة لـشاعرة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر