لامن بغيت العز والصيت والجاه
حافظ على اهلك ودينك والأقراب
وحافظ على الاخو ترا ماله أشباه
‏يعطيك من خيره ولايحسب حساب
‏ قدر اخوك واحشمه وادمح أخطاه
‏ جمالتن به خير من بعض الأجناب
‏لاتقول انا طيب وطيبي انا هواه
‏من خان ربعه للبعيدين ماطاب
‏وكلٍ حصاده من فعل كف يمناه
‏ان طاب كفه للفعايل١٠٠ باب
‏والله يوفق من هو الطيب مبداه
‏اللي عن الضيفان ماصك له باب
‏ولا ردي الفال شيطانه اغواه
‏نجس ويدينه سمها كنه الداب
‏ شرٍ على ربعه على كل من جاه
‏ مكشر بنابه بلا ضيق وأسباب
‏يسعى لفعل الشر والشر مثواه
‏عسى نباه ابعيد عن كل الأحباب
‏كتبت من شعري وانا بنت اهواه
‏ارقى سنود الشعر.. في كل مرقاب
‏وختامها مطلوبي أللي انا ابغاه
‏اطلبه من رب السماء رب الأرباب
رجواي في اللي كل خلقه ترجاه
‏نرجي جنانٍ ...خيرها دوم سكاب
السبت ١٤٤٠/٦/٤
الشاعره:نوره الهاجري .

حقوق النشر محفوظة لـشاعرة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر