📍كنت احسبنه صقر لكن طلع بومه !

لـ ، ، في المدح والافتخار، آخر تحديث :

(مواقف الرجل) لا تسمن ولا تغني
‎في عين من هانت الوقفات بعزومه
ابو (مانقدر ، وذي صعبه وتحرجني )
‎روّح ولا تستمع في باقي اعلومه
روّح ولا تنتظر منه العوض ، طعني
‎انفوس الاحرار ماهي فيه ملزومه
عسى البخت عن هذ الاشكال يبعدني
‎ويقرّب اللي من الزلات معصومه
علاقة الصاحب اللي ما يقدرني
‎بقول ل صحابها الغالين معلومه
علاقة اللاش منكم ما تشرفني
‎قل ابركتها بعد نحتاج معدومه
مثلك مثل طايرن / وقّع على متني
‎كنت احسبنّه صقر لكن طلع بومه
سلًم ✋🏼على صامل الوقفات والمعني
‎الصاحب اللي يبان وتصدق اعلومه
اجيه دايم ليا احتجته . ويخدمني
‎والناس مثلي تجي وتروح مخدومه
اخاف وادرى على الممدوح من (عطني)
‎لان النتيجه بعدها شبه محسومه
تلقاه يفزع مع اللي قال ساعدني
‎مايمسي الليل لين يقضّي الزومه
لو يستلفها سلف. يقول وش يعني
‎مداتنا للفقير ، ارزاق مقسومه
يفرح ليا جاااه واحد قال: سبّعني
‎يقوم من مقعده ويفز من نومه
له مجلسن من كرم جاهيّته مبني
‎لو يستدلّه ضعيف الحال مالومه
حيثه ملاذ الضعيف ونصرت المجني
‎دايم حلاله من الضيفان مزحومه
حتى الغنم تشتكي وتقول مانصفني
‎احقوقها مع طويل العمر مهضومه
في كل ليله من اسمان الغنم ، يدني
‎يطيح منها عشا . بايمان مصرومه
بيبان بيته تقول / اشبك مشرّعني ؟
‎واليا متى عندك الضيفان معزومه
ويقول يا باااب دام اعمارنا تفني
‎الرابح اللي يقدمها قبل يومه
مادام رب الملا والجااه رازقني
‎يمناي عن مدت اللي مااااش مفطومه
من كثر مااسمع عنه فزعات تعجبني
‎احس كن القصيده فيه مرسومه
يا صحابنا والكفو منكم هو المعني
‎كلن بنفسه فهيم وخابر اعلومه
ماني مسمي بحد وابغاه يفهمني
‎ بحمس اللي من الطالات محرومه
ماجيت انافق عشان افلان ينفعني
‎وامدح لك اللاش وهو مضيع اسلومه
هذا نموذج طرى في عقلي وذهني
‎حبيت اوصل رساله منه مفهومه
قولو له انه كفو لن كان يسمعني
‎اللي فصيلته بين الناس معدومه
#فهد_المنصوري
_____________

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر