نيـوتن قضى عمره على شان تفاحه

يازين القصيد اللي من احساسنا منظوم
‎يجدّد نشاط الجسم وينقص املاحه

يخفّف عن الواحد ليا جا فالعلوم اعلوم
‎ليا سج مع نفسه وغيّب عن اامراحه

تهون الكباير في عيوني وتصغر يوم
‎الد النظر فاللي عجز يكتم اجراحه

واقول العوض فالمقبله ماني ب (محروم)
‎مادام الله املبسني الصبر بوشاحه

انا في رجا اللي فارج الهم للمهموم
‎يفرّج هموم اللي طواريه تجتاحه

مطيح الاكابر من عيون الملا مذموم
‎يسبب خلل واضح على النفس فالساحه

عيال الحمايل لو يجي حقها مهضوم
‎ترى صدورهم شرحه مرحه ومزاحه

اجي مبتسم دايم . ليا جيتكم معزوم
‎مقفّل على حزني . ورامي بمفتاحه

تشوف (الفرح ) دايم على ناظري مرسوم
‎تحسب (الحزن )ممسوح مني بمسّاحه

لك الله ماعشنا حَلاها . سوى في النوم
‎توسدت واقعها . والاحلام طراحه

ليامن صحيت . اقرّب الحلم لقرب زوم
‎أبا احقّقه بالعين … ويروح مرواحه

اكيل الصبر لاني بمعطى ولامحروم
.لو الطب ينفع فيك ياصدري المكتوم

‎تخلّصت من همّك بدكتور وجراحه
لكني عجزت اللقا دوى طبك المعدوم

‎لو القا علاجك رحت له مشي وسباحه
مغير اتعزز بالصبر وانثني واقوم

‎كما اللي مشى من باب صنعا ليا الباحه
جفاه الطريق اللي مزفلت وهاب القوم

‎زهابه رجا بالله ، ويمانه اسلاحه
يدور على رزقه ، وفي رحلته ملزوم

‎ف رحلة شقا مع كد ماجاك لسياحه
خطاك العتب ياصدري الممتلي باللوم

‎وفداك القصيد العذب كله بمسباحه
الايام ما خلّت ولا واحدٍ معصوم

‎مقاديرها تلعب مع الحظ . مرجاحه
تحدِر بِنا الوادي . ونزعل من المقسوم

‎ونرضا بواقعنا . ونسعى على اصلاحه
كذا الله خلقنا في شقا والحياه اتدوم

‎وحرّن صبر فيها يبا يكسب ارباحه
دروب العلا تِتِعب . وتوّصلك للمعلوم

‎اذا خاطرك تَوصل . توصّلك بالراحه
ودرب الملل . ضعفٍ وخيبه على المشؤم

‎ترى صاحبه ضاري ليا قام بالطاحه
وش الرجل لولا العزم دام الرجال عزوم

‎نيوتن قضى عمره على شان?
#فهد_المنصوري