ياهل الظلام

اقولها واحطها باوسط القوس
وارفع مشاهدها على كل الاعيان

مانيب من "داعش "ولانيب "جاسوس"
ولانيب من زمرة هل الشر "الاخوان"

ولانيب "ليبرالي" مباديه بفلوس
مسلم .. وزود من الولي شاعر اوزان

ولانيب متلبس ولانيب ملبوس
بريء ساس وراس واحساس وايمان

والراي في بالي من شهور محبوس
اليا انتهض .. اقول فالصمت عرفان

وميزان فكري من غثا الصمت منكوس
ياكم دفنت البوح في كف ميزان

ياهل الملام ان قرّض القشره السوس
ماينفع الحصّاد ندبه والاحزان

وياهل الظلام العلم ماهوب مدسوس
الحق شبّ النور والنور بيّان

اللي يقدّي يضحي الوقت مفروس
واللي يعدّي فارس ومن هل الشان

وانا عن الزلات مانيب محروس
مهر البصيره يوم داين وديّان

يالايمي وانشد عن الصين والروس
وانشد عن الثورات أيّام الالمان

وانشد ورى مقام قرّاعة الكوس
وانشد بحال اهل الاقامه والاذان

هي فانيه لكن من العبره دروس
وبعض الفعل .. ي سادة القوم نقصان