أحذر صحيبك فالزعل لاتجاريه - عيسى زيد التميمي

احذر صحيبك فالزعل لاتجاريه
اخير من كثر الجدال اضرب الباب
 
كم جيت له عطشان وسقاك صافيه
وكم مرتن دونك كسر للخطر ناب
 
الطيب الي بالوفاء كل ماضيه
مامعك حق تصك من دونه الباب
 
اشره عليه ولاتزيد المشاريه
كثر العتب يحرق سليمات الاعصاب
 
من سمع له كلمه وجاا كل مافيه
لاواطين حيه ولا ذابحن داب
 
ومن دون حقك من طمع لاتداريه
الرجل لاوخذتله احقوق ينعاب
 
عاند صليب الراس وخلع عراويه
وليا ضربت الروس تابن الاذناب
 
من لاوقف فالحرب يجهل ضواريه
كم من شجاعً طاح فالهوش منصاب
 
صارح عدوك قله انك معاديه
في حضرته ون غاب حذراك تغتاب
 
شجاعة الرجال ماهي تماديه
في ماقفن عنه الرجاجيل غياب
 
اما بجزلن ماخسر فيه شاريه
ولا بلاش من الخساير والاتعاب
 
واخر كلامي فالقصيد ومعانيه
السيف يرفع روس وينزل ارقاب
 
رجلن تزيده للحماقه هقاويه
لحيته نتربها على القااع بتراب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر