التقييم
‏يمه عسى عمرتس طويل وتهنين
وعسى السعد فالتس يلازم خطاويتس
‏ياجنة الدنيا وياجنة العين
وياجنتي/بالخير والله لجازيتس
‏يمه ورب البيت..رب النبين
لذة حياتي بوستي تحت رجليتس
‏سبحان من سواتس يالذة العين
موطن حنان ورحمة(ن.. في خوافيتس
‏انتي العظيمه كم عشاني تضحين
وانتي الكريمه منهو اللي يجازيتس
‏قمة سما جنة حياه وعناوين..
كل الخصال النادره في مباديتس
‏الدين ما وفيته وحقتس هو الدين
يالله عساني قبل ما اموت اوفيتس
‏ويالله عساني فداتس بالروح والعين
ويفداتس حال ومال لبى مواطيتس
الشاعره :نوره بنت محمد الحمراني🖋

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2018 - موقع الشعر