ابادلك النّظر

ابادلك النظر واهمس واغني
واحاكيك الكلام بصغر سنّي
 
واساهر نظرة الحبّ ب خيالي
وقلبي من جمالك فيك جنّي
 
واشوف الوصْفِ في عينك قصيده
قصيده من معاني حرف منّي
 
ولادري وش ينادي يا غلاتي
غرامي لا حدا جاك متعنّي
 
ولوّ انّي بشوفك عقب كبري
ترى عيني حقيقة تفْضحنّي
 
تبسّم دام حبّي في شبابه
بليله صار حلمي في تهنّي
 
حبيبي في غرامك عايشٍ حر
أغاني بسمتك هي جزء منّي
 
واعيش العمْر في عينك سعادة
حلاتك بينهم قلبك فتنّي