عنتر زمانك - خالد علي الكثيري

عنتر زمانك ياحبيبي لاتحسب انك قوي
لقويا في هالزمن اللي تحدو هالصعاب
 
 
ياما تقوم النايبات وانت فيها منزوي
المشكلة لاقد توهّمت انك الذيب المهاب
 
 
الذيب لامنه عوى يجاوبه ذيب يعوي
لكن تعال وفسرّ الذيب اللي تاكله الذياب
 
 
لاهي على قِلّ احترام ولا على عقلن سوي
ترمي على الناس التراب واخره تاكل تراب
 
 
لا ما سِلِم منّك قريب ولاسلم منك خوي
والحالة اللي فيك ماظنيتها بس اكتئاب
 
 
أشهد بأن الضيف عندك ينزل وبطنه خوي
ماحشّم اللي قد نصو بيته وهم بيض الثياب
 
 
أحيان تتعجّب من اللي دوب تسمع له دوي
مثل البراكين وحممها والزلازل والشهاب
 
 
والسيف إللي رافعه ابطول عمره ما هوي
إلا على ثوبه يسلّه لابدا ضرب الرقاب
 
 
مدري أهو الطبع احضري والا على طبع ابدوي
والا على طبع البشر مخلوط ابطبع الكلاب (كرمتو)
 
 
العنترة ماهي تقويّ ثم تشهير الذوي
ماهوعلى دمّ القريب تجيب ضبعك والغراب
 
 
العنترة انك تذود لولد عمٍ مكتوي
واليوم نطرد في حمانا مثلما طرد السراب
 
 
الله ياعالم بحالي يالحليم ويالقوي
اكسر خشوم العنترية خلّها تحت التراب
© 2024 - موقع الشعر