ما سمعتو وش يقولو في قناة الدوحه .

لـ ، ، في قصائد اخرى، آخر تحديث :

وينكم عن موقف ٍ ما يختفي طحطوحه
 يا رجال ٍ ما بكم خاين ولا جاباني
 الحناجر تسمعون اصواتها المبحوحه
 نفزعون وتستجيبو للنداء مجاني
 انتم الفرسان والساحه لكم مسموحه
 دون جنبيه ولا شلفاء ولا شاماني
 حربكم باﻻلسنه وعدوانكم مذبوحه
 من قديم بدون حرب وقتل فالميداني
 ما سمعت اصواتكم والسالفه مطروحه
 وين دور الشاعر الاول ودور الثاني
 ما سمعتو وش يقولو في قناة الدوحه
 شلة ابليس اللعين الخاين القوماني
 فالجزيره والوجيه اللي بها مكسوحه
 بالايجار وداخلين بذمة الشيطاني
 من حريم ومن رجال جنوبها مسطوحه
 بنت قنه واحمد وجمال وكريشاني
 والتميمي فيصل ومريم وكم مشفوحه
 جمّعت التزيف والتحريف والبهتاني
 يأكلون اللي يجي ونفوسهم مفتوحه
 للحرام ويحلفون الدين والايماني
 لجل يرضون المعزب لا تقل منوحه
 والايجار يطير ويغيّرهم العلماني
 وطالما حنا سوى ودروسنا مشروحه
 كل منا يِرّكب الحبه على النيشاني
 السوالف بينهم فينا كما المرجوحه
 في حكومتنا الرشيده والشعب من داني
 عندهم كل الحقوق الطيبه ممسوحه
 جردونا من الفعول الجزله الردياني
 ما بقى الاّ يقولو الحوثي وصل منفوحه
 واقتحم حد الجنوب وبات في نجراني
 ذي سوات الراعي اللي ما يحفظ سروحه
 والعداء حنا نذبحها كما الخرفاني
 المعالم واضحه والحد فوقه لوحه
 الخطرمن بعدها والموت والنيراني
 يا حكومة ال ثاني علومكم مفضوحه
 ليت ما حنا لكم عزوه ولا جيراني
 ناسين ان مجدنا شامخ تطول صروحه
 من زمن ما هو بحديث ومن سنين الباني
 المؤسس يرحمه رب ٍ تولى روحه
 الملك عبدالعزيز موحد الاوطاني
 عزز دياره عن الجيات وعن الروحه
 ثم ورثها بعده عياله الشجعاني
 احكموها سته ونعيش في بحبوحه
 الملك سلمان سادس حاكم ومتفاني
 اصبحت في ايدين سلمان الحزم وشبوحه
 تآصل الهقوه ملك ويقدر الانساني
 وابنه محمد مضمد للصديق جروحه
 ولي عهده ضد الاعداء معرب الجداني
 والشعب في حبهم ما يقبلون قدوحه
 كل منا خلفهم يمشي ولو حفياني
 وش غلطنا يا تميم وغارتك منطوحه
 كل ما قلناه عز الدار يا ابن ثاني
 صار للاتراك خصب وماه زاد ملوحه
 واصبحت لآيران وكر ووكر للاخواني
 كلهم ضد الخليج ونيتك مسدوحه
 انت من نفس النمونه مجرم وخوُاني
 داعش وايا القاعده بين الدرج وسطوحه
 لا تنجس دار شعبك وانته الخسراني
 شعب عِزّه من وفاه وعارف ٍ مصلوحه
 يحسم الموقف ولا يصبح ضحية جاني
 العذر يا شعب بمحبه لكم ممنوحه
 من خفوقي ساريه في عرقي وشرياني
 بعد ما ساء الامير و كاشفين جنوحه
 والرجل له ثوب يستر جسمه العرياني
 مو بعيب ارجوعه ان عوّد لفيّ الدوحه
 دوحة آل سعود ماهي دوحة ابن ثاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين