التقييم
مساء الخير ، تذكرني ؟ انا المعجون ب شْحوبك
ودمّ احلامي البيض .. ورماد اوراق عشريني !  
انا المتفتتّ اللي وجّه الطرقات .. ل هبوبك
وناداها : بعد اذن الشتات اخذيني | اخذيني
" نبي " هالقلب ، وجهك قبلته ، سجادته ثوبك
يصلّي ، لين ما ترضى عليه .. وفيه ترضيني  !  
 حبيبي من تهادت بك سماي وصرت محبوبك
ل يومك .. أستحي أطلب من الله زود يعطيني !
دخيلك ؛ ليه تهديني عمر ، وتلمّني صوبك
إذا ناوي ب نصف الدرب تنتزعه من ايديني !
وعادك مؤمن وعارف - كثر ما أجحد عيوبك -
عقاب ال ( والله انّي ما اخليك ) .. وتخليني ؟
 بعد ما كنت في وحل السنين آطيح وانجو بك
رحلت وما رمى خلفك غيابك ( طوق ينجيني ) !
وصارت " عِلْك " في فمّ النوايب ( روح أيّوبك )
تنازع . واسمعك تنده : خذوها , حيييل تاذيني !!
واهزّ الليل مخلوع الكتف من " طغوة اسلوبك "
وروحي تشهق بوجه القهر : هو صدق يعنيني ؟!
انا ما خضت في عمري معارك | واجهل حروبك
ابعرف كيف كل هذي الهزايم تحتدم فيني !
عسى يوم ان هالدنيا تدور .. تضيّع دروبك
ولا يرجع عليك اللي عثر بي ، يرجع يجيني
ابكتم حسّ جرحي لا دعا .. واستغفر ذنوبك
لو الله يسألك عن دمع عيني .. تنكسر عيني !

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2017 - موقع الشعر