بلا سبب.

الابيات /
بلا سبب شديت واقفت مطاياك
يا ليتها شده ومده ورده
رحلت عني ما بقى غير ذكراك
رحيل من ركبه لحق ركب جده
نسيت غيرك وانت عييت لاانساك
اتخيلك والراس فوق المخده
رد الشاعر/ عوده بن سليمان الجوهري .
بلا سبب شدوهذولا وذولاك
اللي لهم بالقلب قدر وموده
ذكرتني فيهم وفي شرح دعواك
ذكرتني غالي سلبني بصده
واليوم مالك غير تصبر (ع) بلواك
كما صبرت وباب هجره تسده
ردي /
الصبر مفتاح الفرج لا عدمناك
به تنفرج كربه وضيقه وشده
صيري وصل غيرك وجاك وتعداك
ومن طول صبري بيح القلب سده
جاوبت صوت الراعبيه على الراك
ياابوغلا من بعد ما طاف حده
ما هو بهوى من باب شقه وشباك
غرام عذري عسر بنيه وهده
حتى انت تذكر من تعزه ويهواك
عين الظبي عينيه والبدر خده