ياللي هجرت وطال هجرك ولا زال
إرحم خفوقن ذاب ماعاد يحتال
يرجي وصالك كل يومن وليله
وحبل الرجى مبعد وماعاد ينطال
في كل عام أنا أشعل الشمع وأطفيه
في عيد ميلادك وشوف الدمع سال
أذكر لي أيامن مضت عشتها فيك
وأذكر ليالينا وسهرات عالجال
وأذكر سواليفك ومزحك والعتاب
وأذكر لي حبّه كنّها حبة الخال
في خدّك الأيسر تحت جفنة العين
كنها رسم فنان يبدع بتمثال
سبحان من صورك وأعطاك سبحان
وخلاك تمشي في وريدي وتختال
كل ذا نسيته ياهوى البال وش جاك
وش جاك مني قول ياطيب الفال
أنا على شانك !! هويت الفحيحيل
ولا لي بها عمن ولا لي بها خال
وأنته تزيد بهجرك وتهتني فيه
وأنا تصبر شايل حمولن ثقال
وأنته تنام وتهتني في منامك
وأنا منامي بس حسره وموّال
وأنته تسلي خاطرك في مماتي
وأنا أشرب همومي مثل شرب فنجال
بأول حياتك كنت كل أمنياتك
وكنت لك منبع بطولات وأمثال
الله يسامح قلبك اللي جفاني
يومه سمع للقيل والقيل واقال
واليوم ياغاية محبن شقاوي
خل الهجر منك وبدّله بوصال
وكانك هجرك وطال هجرك ولا زال
ترا خفوقي ذاب ماعاد يحتال

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين