ياورد

لـ ، ، في غير مُحدد

ياورد ياريحان يا ياسمينه
ردّي عليّه ماحتمل هالغيابي
هذي ثلاث سنين وأنتي سكينه
لاحس لا مرسال ولاّ جوابي
الله يعين القلب والله يعينه
صابر عليك ومحتمل هالعذابي
أطرد سراب اللال وأنتي قرينه
تعبت رجولي مالحقت السرابي
العلم قالوا ينلقى مع جهينه
لكن جهينه !! ضيّعت بالضبابي
تذكر زهورن بالمسى مشترينه
أشوفها تذبل وروّح شبابي
حتى العسل في حزته ساكبينه
أحلى من السكر وهو فالذوابي
خيرك توزع من يسار ويمنه
حتى وصل بقياس روس الهضابي
واليوم روّح هالزمان وسنينه
وحل من بعد العمار الخرابي
خليتنا بالحب قيس وظنينه
يومه رماه بسهم حبه وصابي
أحفظ مدام الحب لك صاينيينه
والسهم خلّه مرتفع بالايجابي
ولاّ هجرنا ديرتك والمدينه
ولا عاد به حس (ن) ولا به جوابي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين