يا مفهد :

يا مفهد ؛ الخط .. قالوا ؛ تم تعبيده
مشى ؛ لسَرَّاء.. وصار الناس ؛ يمشونه

في البيد ؛ جُودْ الجماعة ؛ في مدى بيده
طوله وعرضه ؛ مع .. البيداء ؛ يمدونه

كلٍ ؛ بصوت الطرب.. ردَّد ؛ تراديده
على ؛ هوى البال .. قام يغني ؛ لحونه

بالقار ؛ الأسود.. ما هو مسحٍ؛ وتمهيده
هو منوة ؛ الشايب.. اللي يشكي ؛ متونه

ما أحلاه؛ في الدرب..لا منه ؛ مسك سيده
مِعْه الجلايب ؛ وودَّه ..يستلم ؛ شونه

يا صل ؛ ويرجع .. بحمد الله ؛ وتمجيده
والنفس ؛ ممنونةٍ .. بالحيل ؛ ممنونه

ما يشتكي ؛ في طريقه .. غير ؛ تَسهيده
ما كنه ألا ؛ يهد.. النوم ؛ في عيونه

فرَّع ؛ وفسَّر ردونه .. عن ؛ معاضيده
عض النواجد ؛ وكنَّه .. يندب ؛ سنونه

طرى عليه ؛ الهوى .. ما عاد ؛ هو بيده
لو ماضي ؛ العود لِه ..يومٍ ؛ يعيدونه

واهتز له ؛ عودها ..يا ما ؛ حلا جيده
واشتاق ؛ للغالية ..عداد ؛ طبلونه

قدامه الزين ؛ ما يخلف ؛ مواعيده
ما غير ؛ مزيونته .. بالبيض ؛ مزيونة

حبيبة القلب ؛ ..بِاغْضايه ؛ وتصديده
عن غيرها ؛ القلب .. مغسولٍ ؛ بصابونه

ولهان ؛ والنوم.. بعيونه ؛ وصل ميده
مجنونها ؛ ما يرده .. شئ ؛ من دونه

لعيون ؛ ملحٍ .. يهلهل ؛ من تجاعيده
يموت في ملحْ ؛ .. ديرتْها ؛ وصِعْنُونه