صوت داعين - شائم الهمزاني

عزيزتي: محتارةٍ بين أمرين
يا ما ويا ما فيهن احتار من بنت

تقول : عقلي راجح بالموازين
لكن : إذا هب الهوى بالهوى لنت

بين العقل والعاطفة (صوت داعين)
بأفكار مثل النار منها تجننت

وحرام ترْك النفس بين العذابين
والله هو الرحمن..لا ني ولا أنت

وأنا : بعد حيي وميتي ، على الدين
من قلب راضي وآمني مثل ما آمنت

حتى نعيش أعمارنا إحنا الإثنين
وأكون أنا وياك في وين ما كنت؟!

نقْطف زهر وأثمار حلو البساتين
لو ساعةٍ تذعن لوصلي إلى أذعنت

وأهْنَا بشوفك لين ما تشبع العين
وأقول لك : يا اللي على البال لا هنت

© 2024 - موقع الشعر