ترى الجناب الزين والمنطق الزين
والدين والحكمه و قوّ الإراده
والماقف الطيّب على العارض الشين
ومعامل الدنيا بصبر و جلاده
والمدّه الجزله لمن جوك عانين
(ثمان) تجعل لك وقار و سياده
وترى البخل والحقد والكذب والبين
والكبر والمنّه وطبع البلاده
وتركك صلاتك مع صفوف المصلين
(ثمان) ما تقدّيك درب الرشاده
و ترى البشر باللي حوّته المضامين
أما صلاح القلب وإلا فساده
والناس مثل الناس والكل من طين
والفضل بين الناس حسب العباده
والعز والنوماس والطيب .. بالدين
ما هو بياض الجلد وإلا سواده
من بعّدوا عن منهج الدين غادين
والله ما يذوقون طعم السعاده
ومن قربوا من منهج الدين مقدين
و والله ما يذوقون طعم النكاده
مالله ترى في حاجةٍ للمصلين
اللي ترى في حاجة الله .. عباده
لو يأمر الله يمحي الكون هالحين
الكون كله ما يساوي جراده
فإذا مضى من مجمل الليل ثلثين
أرفع يدينك صوب ربك .. و ناده
يالله تكتب لي ليا مت .. ثنتين
موتي وانا ساجد ونطق الشهاده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر