مسامح

يا عبيد لا تبحث الخافي
وتموّل الصوت وتجرّه

هيضتني واستوى قافي
وزودت في جاشي الحرة

وَعيِّتْ لو ماني بغافي
والعين ماهي بمسْتَرَّة

مسامح وراضي وعافي
واغليه من جِدْ ! وَابرَّه

عليه ستر الله الضافي
يا فري جيبي ويا طرّه

اجيه .. واعوّد خْلافي
واحنْ ! واعاود الكَرَّة

وصروف الايام يا كافي
في عيني أصغر من الذرّة

ما غرّه العاذل الهافي
ومكثِّر الهرج ما غّره

وما غيرت حبه الصافي
سود الليالي ، ولا مرّه

عز الله انه معي وافي
مير الزمن خيره وشرّه

الوقت ما يرحم ويافي
ويخلي الروس مفترّة

لله دري .. وميقافي
ولله ميقافه .. ودرّه !!