يالله يالي تجزي الناس فالخير

لـ ، ، في عاصفة الحزم، آخر تحديث :

يالله يالي تجزي الناس فالخير 
 يامن عليه الاوله والاخيره 
 يامن كسية بريشة الطير لطير
 ياوالي ارزاق العباد الفقيره 
 سبري لمن خطوته سرتله السير 
 مسراح ذيبً لف شبه الجزيره
 خيل المعاني عسكرة كالطوابير
 الفكر واسع والطواري ذخيره 
 العمر فيه اقدار خلق الله تسير 
 وماقدمته ايامنا فيه خيره 
 للفكر جمً مثل مايحوي البير 
 وللفهم دلون موحته فالبصيره 
 يالي على ماقيل تجزع من الغير
 بين ولا نحتاج من نستشيره 
 يمكن يجوز ان الضوامي مصادير
 والنافر الي ضيرت مستضيره 
 يامرضين نفسك بكثر المعاذير 
 لضيف تكريمه وللجار جيره 
 شف وسرت الي مشبكته الصقاقير 
 الافجح الي عضم ساقه قصيره 
 التف ثم انلاف وستكبر الطير 
 واخر عهد به يوم قفا مطيره 
 الجو كوس فيه عصف المعاصير
 في وادين فتلاه حيدً يحيره 
 ونا علي اجيب للبدع تصوير
 والي حصل فالوله والاخيره 
 من يتقي راسه تحت داير الصير 
 لايجزع ولايمتنع عن مصيره 
 السوق يبقا في يدين الهوامير 
 ومن لا ربحبه سبره بسبر غيره 
 هاذي غطات البير قبل أفتح البير 
 والغصن غض العود طيرة طيره

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر