تدري من الاعماق لاجيت اباقول - عيسى زيد التميمي

تدري من الاعماق لاجيت اباقول
شين يراودني كتمته عن اعداك
 
يصاحبي طاريك يجبرني اقول
اشتاقلك ، وحنلك ، واتمناك
 
يعني مصوّب فالهوا صدق ! معقول
مدري ، ولاكن نوب يسعدني ارضاك
 
والله خبري ، قلبي بقفل مقفول
وهلحين مدري ، مقدر امرك ونهاك
 
خبري به اني موجسه لو خذا حول
عامين غربه مع هذولا وذولاك
 
واليوم ياقلب العنا منك يحول
ادنات حاجه تقلب اسفلك لعلاك
 
لاكن على ماقيل غالي ومقبول
منك السهر والله يعجّل بلاماك
 
احيان طعم المر فالحب معسول
لاصار فيه من التفاؤل مايرفاك
 
وحيان لو يصفي مهو معك مقبول
لاصرت ميس تنقل ادواك فرداك
 
جرح الهواء عنه تراك انت مسئول
لاتقول رب الناس اخذ منك وعطاك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر