هديتي

هديتي .. إني أشوفك..
وأتأمل وصوفك..
واستمتع بطلتك ..
فيها ترتاح الأعصاب ..
 
هديتي أكحّل ناظري
وأجبر بقربك خاطري
ما علي من القمر ..
لا من القمر غاب..
 
لا من جيت .. من عندي ومريت
وبسرعة العدو هديت
تختال في مشيتك
تغتالني بخطوتك
أوتار قلبي...
تعزف لك أعذب الألحان..
 
وعيوني تسير في موكبك
وقلبي يظللك غيمة
والحب يمطرك هتان
 
خطوتك ايقاع على هالأرض
تهتز لك طول ٍ
وتهتز لك عرض ٍ
أحسها بقلبي تزيد من نبضي
الحب له صوت وايقاع
 
دق الطبول ..
وعدو الخيول ..
صابني منك الذهول
مرور الحب برقٍ
مرور الحب ضوء وشعاع.