من سابق الإنذار مرتحة ياهيه - عيسى زيد التميمي

من سابق الإنذار مرتحة ياهيه
ومن واقع الايام الاورق ذبله
 
الورد يبغاء زارعينه تساقيه
حتا يفوح الورد ويطيب سبله
 
الحض لاراحة سنينك تباريه
ماعاد تعرف للمحبين قبله
 
انا مثل من راح وقته بغاليه
من مالقا فالكبد علا ودبله
 
النايف الي هامته من علاويه
ارقا علوه وسبره ورتقبله
 
ابطي ونا فعلا علاوي مراقيه
البعد اخافه والفراق احتسبله
 
وقبل علي اخيال شهبن مناشيه
من وقعها يفيض الواد عبله
 
انهلة اثعوله وعيني تراعيه
دن الرعد لادن وشوش الطبله
 
غفية ثم اوعية لاذي ولاذيه
ويدي بخيوط المقادير كبله
 
صار الذي ماكنة فالوقة باغيه
مايكسر الرجال ياكود نُبله
 
ان ساومته الناس فغلا مباديه
مايعتزي ويشوم عن كل أبله
 
الصبر يثمر فالنهايه لراعيه
ولا قليل الصَّبر ماينحسبله
© 2024 - موقع الشعر