على موترٍ ماعلقو في قفاه سبير

لـ ، ، في عاصفة الحزم، آخر تحديث :

تمرر لنا الكلمه ولا نقبل التمرير
 معي فيزةٍ ذالحين ياللي معك فيزه
 نبا نركب اللي شكلها مثل شكل الطير
 تفج المزون ولا تعرف التلزّيزه
 لها في قفاها محركاتٍ بنوعٍ غير
 تبخ اللهب من كنةٍ عقب تهويزه
 مضيفاتها في خدمة الراكبين تسير
 على قولة المصري : دا كُرسِ وطرابيزه
 لها وجهةٍ فالجو سجل لها تقرير
 تحت كبتنٍ له وجةٍ قدم تركيزه
 نبا ديرةٍ خضره يجي في مطرها خير
 جفتها الدهور وكل دربٍ وله جيزه 
 اليا من نحرنا ديرة الكفر والخنزير
 نشوف الصليب معلّقٍ في براويزه
 على موترٍ ماعلقو في قفاه سبير
 جديدٍ ولا يحتاج شيٍّ لتعزيزه
 اليا من بغينا للتماتيك ولا القير
 على غاية المنوه يقدّم لتجهيزه
 ركبنا على ال BMW وسلفه دير
 قطعنا الدروب اللي عزازٍ وتغريزه
 معك واحدٍ بالفعل مايلحقه تقصير
 تعرفه ولا يحتاج قولٍ لتمييزه
 خويٍ على ممشاك ماهو يعكس السير
 تشوفه على درب الوفا بان تحفيزه
 يولّم معاميله وزودٍ عليها خير 
 معه شنطةٍ مليانةٍ من بلاليزه
 طراة العمر لا شفت للذاكره تصوير
 مع كل دربٍ ماجهلنا دهاليزه
 سنينٍ تغيّر والبشر تقبل التغيير
 ولا غيّرت للناس صورة موناليزه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر