الخنافر باللقا تنطح الهيه - خليل بن هدلان

ما تهب النود صبح وعصريه
وما تنشي مزنة من مناشيها

مرحبا ترحيبه نارها حيه
للضيوف ابدي بها اليوم واثنيها

في حفل حر ينومس بطاريه
كل ما هد المخاليب يدميها

ذاك عبدالله تسوقه هقاويه
للمعالي لين عدى مراقيها

نسل راع الجود زبن الجلاويه
هيلعٍ بالطيب نفسه مضريها

في علي الامداح تنساق عفويه
والقوافي فيه تطرب معانيها

كاسب والنعم غيث السناويه
والمراجل طيب الساس حاويها

والزقيعي دون ربعه وعانيه
عادةٍ له دايم ما يخليها

والخنافر هم رجال الشهاميه
وحاضر الايام يشهد وماضيها

والخنافر تعسف الصعب جبريه
لا احتمى الميقاف تصدق هقاويها

والخنافر لا كوت تنجح الكيه
وتكحل عيون العدا لين تعميها

والخنافر باللقا تنطح الهيه
والسيوف الحدب بالدم ترويها

كم عقيد له فعولٍ بطوليه
حولو به واحتمو عند تاليها

لابة قدام حكم السعوديه
صيتها ذايع وتعرف عزاويها

حن هل البلها يسود الفروسيه
والسباع اليا لحقنا نعشيها

ويوم كلٍ يعتزي في بناخيه
الجحادر بالقسا نعتزي فيها

وكانها جات الدعاوي قصاويه
قحطان ذخرنا يوم ندعيها

لابة تصطي ما فيها محنيه
في نهار الكون تلطم معاديها

والختم ما للقبايل محقريه
كلبوها يرفع الراس طاريها

العرب كل له امجاد مبنيه
والحقايق واضحه ما نخفيها

© 2024 - موقع الشعر