الملك عبدالعزيز

لـ ضيف الله العامري، ، في غير مصنف، آخر تحديث

الملك عبدالعزيز - ضيف الله العامري

لااله الاالله الواحد لحد رب الجلاله
جل شانه فوق عرشه نطلبه وحناعبيده

والصلاة على الرسول الي مبلغنا الرساله
الرسول الي محذرنا من النار الوقيده

والسلام ورحمة الله يالمطانيخ التكاله
يالسجون الي طلاقي ماتوفيكم قصيده

يالرجال اهل التكاتف والحميا والاصاله
علمكم غانم تناقله الاذاعه والجريده

في قيادة شيخ لامنه وقف للعم طاله
العقيد معيض راعي لوله ياالله تزيده

لابته قحطان هل فزعات ورجال الشكاله
من حصى نجد العذيه للجنوب احد رفيده

والوطن رايته خفاقه مادم انتم رجاله
تحت راية من موسسها بقبضه من حديده

الملك عبدالعزيز موحد الدوله لحاله
قوت ايمانه بربه والعزيمه والعقيده

قام صلى الاستخاره وانتقى جيش البساله
وحتزم ثم اتكل والسيف لملح هورصيده

ثم خاض المعركه بالبر من جاله لجاله
حط حداً بالكويت وحط حداً بالحديده

والبحر لحمر خذا ه وزاد ضمه في حلاله
ليس من نسج الخيال الاهي اخبارا اكيده

ثم سلمها سعود الي على التقوى بداله
واحتظنها كلها رغم المسافات البعيده

واستلم فيصل وفيصل يحكم العالم رجاله
كلها العالم تهابه لن له نظره سديد

والملك خالد حكم ياالله عسى الفردوس فاله
الكريم الي تغانت عالماً من مدة ايده

وستلم بعده فهد والفهد رمزاً للعداله
قوم العالم وقعدها وله حنكه فريده

وستلم عبدالله الي لاوقف ميل عقاله
مات عبدالله وحب الناس يجري في وريده

والملك سلمان يالله تحفظه وحنا فداله
المليك الحازم الي روض الروس العنيده

قادة العالم تهابه يوم تتوافد قباله
ياعسى عمره طويل وياعسى ايامه سعيده

ولولي العهد بيعه في رقاب اهل الاصاله
ياحفيد معزي الي سير العربان سيده

نظرته نظرات جده والعداله راس ماله
الملك عبدالعزيز ومن صفاته في حفيده

ياالله انك ترحم الي سلم الدوله عياله
كلهم حكام عدل ويحكمو دوله رشيده

© 2024 - موقع الشعر