حلاّبه وجلاّبه .!!

الوقت شد الفكر .. واشتدت اعصابه.
خلاّني اكتب جديدي .... بالمحبينا.!!

يا مترفه ......! لو سؤالي ماله إجابه.
يكفيني انه ....... تعلّق بالشرايينا.!!

خلّدت شطرٍ ...! له الاقواس محرابه.
( شفت المراكب تسابقني على المينا ).!!

يبطي مع الوقت ..!!! مكتوبه وكَتّابه.
يجري مع الدم ..! حتى لو نسيتينا.!!

الليل يملاه ....! شذّابه ... وحطّابه.
وحنا على الغدر .... والله ماتربينا.!!

روحي مع اللي جماهيره من احبابه.
صفي سرى مع حبايب له قديمينا.!!

عفناك ...! والاّ غيابك عارف اسبابه.
لكن قبل الفراق ....... ابيك توحينا.!!

مجرّة الفكر ...... للاحباب حسّابه.
وفي شاشة اعدادها مرقوم ستينا.!!

بيّاعة اقلوب ........!! حلاّبه وجلاّبه.
في سوق مايعترف بالسلم والدينا.!!

يقوله اللي ..... يحد الموس مخلابه.
الشاعر اللي ... زهم للروح شدينا.!!

بيتي بالاحساس شدينا به اطنابه.
لو ينزع الروح .! قلنا تكرم العينا.!!

والحب لو شب بالاضلاع مشهابه.
ماننشد ( الآه ) .! كم ليله حرقتينا.!!