غالي و زعلان .!!

ياشينها ..! لا جاك غالي و زعلان.
يرمي عليك من العتب والمشاريه.!!

يلوي ذراعك بالغلا احيان واحيان.
اللي يهم القلب .! وشلون ترضيه.!!

لا جاب لك زلّه ... ولا قال غلطان.
خلاّك تتقلب ..! وتحتار وش فيه.!!

ترجع سريع تفتش الوقت حيران.
ماودك انك تخسر انسان تغليه.!!

بتحاول التمرير .... كله علشان.
تبغى الصواب اللي تدلّه وتخطيه.!!

تحتار ثم تختار للحرف عنوان.
مظلوم .! والظالم له الله يجازيه.!!

لو شتت افكارك دليلٍ و برهان.
ترى العقل فنجال كيفٍ يكفيه.!!

خلك حكيمٍ عنده العقل ميزان.
يقيس به لا خالط الحق تشويه.!!

وان صد خلّه لا تناديه لو كان.
ودّه يقطّع في وريدك .. ويطويه.!!

ميّز رفيق الصد تلقاه خسران.
بترده الحاجه .. وتطلع خوافيه.!!

وان كان عوّد لا توريه حقران.
قسّم على اوتاره تراحيب لبيه.!!