تعال واسعفني .!!

البارحه ... حوّل على القلب سكين.
الحد ... ياكل من خلاياه و ينوح.!!

يطري لي اغيابه وانا اقول بعدين.
واثر الحزن بالوجه بَيّن ومشروح.!!

ناظر وقال الوقت مايجمع اثنين.
يقولها والصوت مخنوق مبحوح.!!

سكت والذكرى لها اشهور واسنين.
قال انتهينا واستر الحزن لا تبوح.!!

قلت اسمع ابياتي .. وركز بها زين.
عطّرتها ... من دم هاوي ومجروح.!!

ايو الله ان الحب .. يهلك سلاطين.
شفني على درب المحبين مطروح.!!

يازين غيرك .. ماملا القلب والعين.
والبُعد .... والله مالنا فيه مصلوح.!!

دامك نويت تغيب .! لا باس يازين.
مسموح لو عانيت بالهم مسموح.!!

انا هويتك ... واكثر الناس هاوين.
واللي جنيته منك عبرات وافحوح.!!

مكتوم ... . ماتت فرحته والبساتين.
مابين ذابلها ...... ومابين ملفوح.!!

واخر كتابي ... بيت مابين قوسين.
اقره ... وخلّه بين الاضلاع للروح.!!

(قبل تعزم الحزن مع بُعدك الشين.
تعال واسعفني من انفاسك وروح).!!