السفن مرّات تجبرها الرياح / للتراجع و التوقف و الجُنوح

يا خيالٍ منك بالي ما استراح
من سنين اشغلت فكري. ما تروح
الصراحه نوب ما فيها صلاح
والغموض أحيان خير من الوضوح
ما تُنال الغايه الاّ بالكفاح
والتردد في الخُطَى عوق الطموح
السفن مرّات تجبرها الرياح
للتراجع و التوقف و الجُنوح
ولو يطول الليل قافيه الصباح
في سماه النور لابده يلوح
عهدك الي تذكره ولَّى وراح
ولا بقالك لا عريش ولا صروح
طاح كرتك من ملف القلب طاح
طاح كرتك مير طاوعني و روح
من سببك الشيب عانه فيّ لاح
ولا لحقني منك يا كود الجروح
ومن سببك البال مايوم استراح
ان بغيت تروح و الاّ لا تروح