يا بنت

ي بنت انا مالي سوى الصبرلو طال
والحب يبقى ما يجي عنه حايل

والوقت بيد الله ومن حال لا حال
ومالي على اصروف الليالي تحايل

يا بنت كنتي باللقاء فوق الآمال
كنتي أميرة بالحسن والجمايل

ربي عطاك الحسن من كل الأشكال
وميّزك عن كل البنات بخصايل

كنتي ملاك ومالك اشباه وامثال
وبعيونك الحلوه تطيب العلايل

اطالعك ي بنت بإكبار وإجلال
واشوف في مسكة شعرك التمايل

يا حيف خلص هاللقاء بسرعه وزال
ولا زلت مستحظر جمالك واخايل

عامين كانت بين خطبه والإطلال
يا هو زمان تشد فيه الرحايل

يا حيف ليش الحين ما بيننا وصال
وتعثرت كل السبل والوسايل

مشتاق لك ي بنت وللحب موال
وللحب ليلن فيه تطفى الفتايل

خسران منهو ما معه بنت تختال
وتغريه من حلو الحكي والجدايل

يا رب عجل هاللقاء الصبر قد طال
وعامين لين العقد ماهي قلايل