الناس كلن له مكانه ومقدار
ونزل المطامن غير نزل الصداره
النايفه من حظ وافين الأشبار
اللي لهم فعل الجمايل تجاره
أمثال ناهس من بعيدين الأنظار
الي على الفزعه يسوق البشاره
ابن جفين مورثٍ طيّب الكار
ومن نهج شيبانه تحدد مساره
وجه طليق ويكرم الضيف والجار
ونفس تجيله من كدرها مجاره
رمزٍ لجزلات المفاعيل وشعار
كارٍ لجدانه وذا اليوم كاره
راعي مجاهيم يشدن الأنظار
وراع النظر يحتار فيها إختياره
ماهي شرايا شوخ منظر و تجار
هذي مكاسب شوخ بيت الأماره
أقيامها ماهيب درهم ودينار
ولا أقول تسوى جيب والأ عماره
هذي ثمنها أرواح ودمي و اعمار
يوم النماره تلتقى بالنماره
في ساعة فيها يضيعن الأبصار
وتبين فيها المرجله و الصطاره
وللي طمعها حربة تقل مسمار
ما تاقع الا بين لحيه وزاره
من لابة يوم اللقاء حدهم حار
وفيهم على ورد المنايا جساره
مسعد وعقبه كلهم كفو وخيار
بحور طيبٍ ميزتها الغزاره
راجالهم يرسي كما ضلع سنجار
وراسه يفوح من الصطر والنعاره
ياما خذو من ذود بالسيف ومهار
وياما ابتدو من عقب غاره بغاره
ويا ماعطو من خيل وأموال وبكار
ويا غدو للفقر مثل الستاره
شوخ فعايلهم فريدات وكبار
تعيّف الشيخ الفخور افتخاره
من آلاد نامر قمة المجد الأحرار
اللي يزيدون المدايح نظاره
وسموا البقوم تخلي المدح يحتار
من الشجاعه و الكرم و الوقاره
الشاعر/ يوسف العضياني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.