نديبي

لـ نجم الاسلمي، ، في غير مُحدد

نديبي - نجم الاسلمي

نديبي على اللي تو ماكمل التمرين
نديبٍ يجي معه الخبر كل ماودا
 
ركب عقب ماوصفت له ديرة الغالين
تواسى الطريق ومر ساهر ولاهدّا
 
تنصّى وليفٍ حط في خافقي جرحين
دوا قلبي المجروح من سبَّتْه والدّا
 
عطه من قريحة شاعره سابقاً بيتين
عليه اول بْهار المعاليق ينعدّا
 
نعق بيننا وآشيب قلبي غراب البين
رخصت ب نظر عينه وهو عندي مفدا
 
توداعت انا وياه ما من رجا بعدين
احسب ان قلبي من بصر عقلي مقدا
 
احسب اني اصبر عنك ياداعج العينين
واثر صبر قلبي عقبك قْريب مغدّا
 
تفارقت انِا وياك فرقاً ليوم الدين
لو انك ب قلبي بد خلق الله مبدا
 
كواني على الضلع القصيّر فراقك لين
دفنت الوصال وسقت له دمعتي مدّا
 
تنقض علي ذكراك من بين حين وحين
تعدّت سنين العمر والولف ماعدا
 
ياعنك ان شر الوقت هذا على الوافين
تْعذبهم الذكرى على عابرٍ عدّا
© 2024 - موقع الشعر