كثير مرو

لـ نجم الاسلمي، ، في غير مُحدد

كثير مرو - نجم الاسلمي

كثير مّرو رحاب البال
لاشك راحو مثل ماجو
الا انت ياللي غيابك طال
مبطي فقدتك وكنه تو
تجيبك الذكريات خِّيَال
وتصب طيفك صدوقة نو
بعدك مثل رمشك القتّال
لونه والا من بطش من قو
يابو عويدٍ ليا من مال
قام البخت يعتدل والجو
قلبي من الجال لين الجال
ما طبه الا غلاك وهو
لك بالحشى جنةٍ وظلال
وان غبت صارت هجير وضو
وان جيت اوقف على الاطلال
زودت سو المفارق سو
ماغير ابي من رجاك حبال
لو هو سرابً زمى في دو
لو كان رجوى سراب اللال
رجوى خلوجً تراجي بو
علقت في سكة الرحّال
عن منة الياس ، ليت ولو
ان قلت ابنسى عجزت احتال
وان قلت ابرجيك مالك نو
© 2024 - موقع الشعر