شعورك

ابدا بربي برب الناس خالقني
بسم اللذي ما يفارق ذكره الساني

جلّ وتعالى اذا ما شاء يرحمني
اعوذ به خالقي من كل شيطاني

من بعد في خاطري شي ٍ يراودني
ودي ابيّح من الاسرار ما كاني

يا من على صفحتي دايم تشرفني
بالله قلي شعورك ونت تقراني ؟!

تدري مرورك عليّه وش يحسسني
يوم اتعطي وقتك الغالي لديواني

ولا ّ بلاشي اوضح وش يخالجني
كاف انسجامك معي ليقاع قيفاني

ما دمت متشوّق وتحرص تتابعني
فبشر ابقاف ٍ عليه الكيف بطراني

بس انت خلّك معي يا زين وسمعني
ورايك تعرفه مهمن في علو شاني

لكن سؤالي اذا ودّك تجاوبني
بالله وش هو شعورك ونت تقراني؟