صداقة بلى معنى - علي باعوضة

الا ياسعيد ارجوك شوش على لرسال
ابا حل منك وفتني ياسعيد ارجوك

ترى ضاعت الحيلة ولا ينفع المحتال
اذا راحوا اصحابك ولخصومهم خلوك

تعبنا تعبنا والتعب منه ضاق الحال
اماني كثيرة جابت الهم لي وشكوك

صداقة بلى معنى تراها مثل تمثال
وكم ياصديقي واحداً للبيس مملوك

وانا باسالك لاضاع جملك مع الانذال
وش الحل هات الحل في شعرك المحبوك

انا لي ثمان اعوام من جرة الموال
ولامن كتبت الشعر توقف عليه ملوك

مصيبة تضيع وقت ويضيع راس المال
ولا تعرف بدنيا البشر لجنبي من خوك

تزيد المصالح بينهم ياسعيد وصال
ولا جاء لهم مطلب ترى بابهم مصكوك

هذولا هل البزنز يبيعوك للدلال
انا حذرك منهم ولو قالوا ايحبوك .

© 2024 - موقع الشعر