عاصفة الحزم

لـ احمد بن مطر الهاجري، ، في غير مصنف، آخر تحديث

عاصفة الحزم - احمد بن مطر الهاجري

يابن صالح يوم ان النفس منهاره
زبنت بأخوان نوره فالسعوديه
 
قضيت عند الملك مدتك باجواره
لين الله عافاك بعيون البشريه
 
لكنْك جحّاد والايام دواره
حثيت نفسك على فزعات حوثيه
 
مثلك ترا عارفن من قبل مقداره
عوّدت لهل اليمن وامبيت النيه
 
هادي ابد مايضيق وحنا انصاره
دامه زهمنا نجيه الجيه الجيه
 
بقيادة اللي يشور وتوخذ اشواره
سلمان قايد كتيبتنا العربيه
 
القايد اللي ليا منه شعم ناره
ماتنطفي دام ناره بالوفا حيه
 
مليكنا بالفعايل شاعت اخباره
مواقفه فالمراجل ماهي شويه
 
ماهمنا الحوثي اللي بيّن اغباره
ذب الخريمه عقب ضربات جويه
 
قل للمجوسي يوقف لا نجي داره
حنا العرب اهل فزعه واهل غاريه
 
اليعربي دايمن ماينوخذ جاره
روحه فدى الجار لو يحتد للهيه
 
له فزعةٍ يعتبر ماحوله ادياره
يجيك قدم العدى وتسوقه احميه
 
بمدرعاتن تدك القاع جباره
قذايفن تمطر الحوثي بواديه
 
فالبر غاره وعبر الجو كم غاره
تبرق وترعد على حدود اليمنيه
 
سربن يفج الغيوم ويعجب طياره
يمطر صواريخ والاهداف مرئيه
 
عبر اللاسلكي يحددها براداره
وليا رصدها يفجرها بحرفيه
 
اردى سلاحين دبابه وطياره
من فوقهن مسلمن روحه فدائيه
 
خليجنا واحدن من دونه اسواره
الجار للجار والفزعه خليجه
© 2024 - موقع الشعر