إن جبت في أول شوط يا صاحبي قول

حالتك يا سطام في الوتس مشغول
والظاهر إنك مشغلتك الرياضه
لكن نصيحه لا تدّرب على طول
حافظ على جهدك وحذرى إنخفاضه
الهرج واجد مير أنا ويش أبا أقول
في العمر يا سطام ماش إستعاضه
إن جبت في أول شوط ياصاحبي قول
راحت حياتك كلبوها إنتفاضه
هِزْ الشّبَك والقول خله على الحول
لا يعترضك اللي يغث إعتراضه
تأثير راسه يلْحِقْ العرض بالطول
ومعها يبي نيدو ويبغى حفاضه
الشاعر/يوسف العضياني
yosf1983@