يجاملونك - إبراهيم محمد البجيدي

بيوتك اللي ماوراها الا الطمان
لو العرب حولك ترى يوحونها
 
يجاملونك مير الله المستعان
شرايد ٍفطّر غدت بضعونها
 
لي هاجس ٍماينثني والقاف بان
الشارده ليلى وانا مجنونها
 
سبايك ٍتصرف بليا ترجمان
لون الذهب ياخذ ترى من لونها
 
الرجل لولا العقل ماطاب اللسان
والروس يبقى عزّها بمتونها
 
ولا قصيدك مثل صوت الطرطعان
واكثر قصايدكم جهلنا لحونها
 
وان جاء الصحيح وقلت لك مس البطان
جمرتك ماهي مولّعه غليونها
 
الوايلي ماهو مع فلان وفلان
وقفة شيوخ القوم حنا دونها
 
نكرم عن اللي دلّته صبح رمضان
وحنا قبيلة ماتطيح ركونها
© 2024 - موقع الشعر