منهو يقول .. ان الفهد .. مات ..؟/ من قال ..؟
اللي رحل عنّا .. الجسد بس .. والروح ..
الموت .. موت الذكر .. في .. سيرة رجال ..
الموت .. موت المجد .. لاصار .. مبيوح ..
وفهد .. نشوفه حي .. موجود .. لازال ..
حي(ن) .. يعانق هامة الطيب .. ويفوح ..
لازال .. فوق الارض .. في طيب الافعال ..
طاريه .. حي .. ب كل محفل .. وممدوح ..
لازال .. حي .. ب كل خير(ن) .. له اعمال ..
لازال .. حي .. ب روضة العز .. له دوح ..
لازال .. حي .. ب نصرة الدين .. صوال ..
ياما طبع قرآن .. محفوظ .. في لوح ..
دنيا .. ودين .. اعمال ابوفيصل .. جزال ..
في كل بلد .. شيد .. علامات .. وصروح ..
ل دمع اليتامى .. كل يوم(ن) .. يجي .. هلال ..
ب كفالته .. كل يوم .. في عيد .. وفروح ..
دفان فقر .. شعوب ../ نزاع .. الاسمال ..
لامن عطا .. كل خاطر(ن) .. رد .. مشروح ..
ابو الصغير .. وصاحب .. واخو .. الاكهال ..
يمنى الضعيف .. إليا انتخى فيه .. مطروح ..
ريف الفقارى .. ب المحل .. غيث .. هطال ..
سمح المحيا .. ياكثر .. قال ..: مسموح ..
لازال .. حي .. نوره .. ب تعليم الاجيال ..
للعلم .. قندل شعلة النور .. والضوح ..
ملك .. ملك .. له كلمة(ن) .. مالها ابدال ..
من هيبته .. صوت المماليك .. مبحوح ..
فتال منقوض(ن) .. ونقاض .. فتال ..
كم ازمة(ن) .. لاجا ابوفيصل .. تروح ..
لازال .. حي .. تاج(ن) .. على روس الابطال ..
قايد .. محنك .. ل أحكم الراي .. شابوح ..
لازال .. حي .. اسمه .. توارد ب الامثال ..
من اوله .. حتى اوله .. بحر .. مفتوح ..
ومنهو يقول .. ان البحر مات ..؟/ من قال ..؟
اللي رحل عنّا .. الجسد .. بس .. والروح ..

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين