قال لي ياحمود وش عندك جديد

قال لي ياحمود وش عندك جديد
عقب ماهو من القصيد أعطانيه
قلت بسأل ! قال أجاوب ! قلت أكيد ؟
قال ماياخذ جوابي ثانيه
قلت خل النّشده اسمع للنّشيد
والجديد يثور من بركانيه
من يحسب انّه حوى العيش الرّغيد
ذكّروه بعنتر الحرمانيه
وذكّروه ان بيننا حان الوعيد
والقصايد خالده أو فانيه
شيل حرف (القاف) من كلمة (قصيد)
وارجع وركبّه مرّه ثانيه
بالمعاني كلّها صرت الرّشيد
ومنك حاز مدرّسك نكرانيه
الله اكبر ماهي بلحية جحيد
والأهم لاتعتبره أنانيه
بس بذكّرك بالقول السيديد
والله يعوّضني الاحسانيه
بير تشرب منه جعلك ماتصيد
لاتحذفه بالحجر علانيه
وحتّى لو انّه تحقّق ماتريد
باختصار أقول لك بالعانيه
ان عطتك ألمانيه بنزٍ جديد !!
ماتغيّر شي في ألمانيه