فيافي نجد - محمد عقيل الذيابي

فيافي نجد ينعشني هواها
ولايقطع ضمايه غير ماها

ذعاذيع الهبايب غير فيها
ولون الارض مع زرقة سماها

ليا حل الربيع وهل مزنه
فلا اجمل واروع من بهاها

لها لون الحيا ملبس و وزينه
تعطرها الخزامى من شذاها

اشوف الذود ترعى في كنفها
عطايا الله رزق لمن عطاها

بسيطة مثل راحة كف هيلع
نديه والسخى بلل ثراها

انا في حبها عاشق متيم
لما ربي من الفتنه حباها

صبية بالترف تلهو وترفل
عنود ماتضاهى في حلاها

لو ان اطلالها تحكي وقايع
وتكشف عمرها واطيب نباها

لها التاريخ محفوظ ومخلد
من رجال تربوا في رباها

يذودون بنفيس الروح عنها
ويلقى الحتف من يقرب حماها

امينه ياارض تسكنها عتيبه
وامين اللي تذرى في ذراها

عتيبه فوق قباة الاصايل
كعام الضد لطامة عداها

عسيرة في مجاراها عسيرة
قبيلة عز مايلحق مداها

له الامجاد واقع مايزيف
بنوها اجدادنا واعلو بناها

بحبر الدم تاريخ مسطر
راويات يفاخر من رواها

وانا شاعر واشوش لمدح ربعي
عتيبه دمي وروحي فداها

تحدثني روابي نجد عنهم
تغنا فيهم ويطرب غناها

واجاوبها بعال الصوت هاتي
مزيدا لين نبلغ منتهاها

تجاوبني ب (لكن لانهاية)!!
مادام عيالها تخطو خطاها

الين اليوم والتاريخ يكتب
على الصفحات للي ماقراها

© 2024 - موقع الشعر