يابقايا حب ..

يا بقايا حب غن لوحدتي ..
حرّةٍ مرقابها روس الجبال ..

رغم عبراتي ازيف ضحكتي ..
يالهزيمه مالك بكوني مجال ..

شامخه في قو باسي / عزتي ..
ايه شيهانة لها يرفع عقال ..

وان حكوه هالناس شي ابغفلتي ..
مايهم الشامخه هزلٍ يقال ..

ما اخون ودام تعرف لابتي ..
الوفا ورثٍ من اعمام وخوال ..

من تركني راح وانكر عشرتي ..
ماتعيب اصحابها بنت الرجال ..

هذي احروفي وهذي جملتي ..
يامودعني قبل شد الرحال ..

صعب تنساني وقلبك وجهتي ..
وصعب تملكني وانا صعبة منال ..