علموه ان كان في خشمه عرام

علموه ان كان في خشمه عرام
طبعنا ناطا على روس الخشوم
ندّبه ونحط في خشمه خطام
ونحفر بالنار في خده وسوم
وردنا يروى ولا يصدر حيام
والصقور صقور والا البوم بوم
نشتري اللي من غلاها ما تسام
ونترك الهزلات لعيال الرخوم
وعلّم العربان من يام وشام
واحد ماهوب صامل لايسوم
وكان فيهم واحد طب العسام
مرحبابه شارةٍ قدم السهوم
ما يوقع ضربنا الا في العظام
ولا نعدي غير في عالي الرجوم
طقةٍ وحده نفك ابها اللحام
ونخلف الهقوات يوم انا نقوم
ما نهاب المعضله والا الصدام
وان زما المغرور من فوقه نزوم
وروسنا بالطيب من فوق الغمام
وحافظين للكرامه والسلوم
 
الشاعر / يوسف بن محسن العضياني