ياكوكب الأرض هل تحمل مثل هالبلاد

لـ متروك العنزي، ، في الانشاد والشيلات، آخر تحديث

ياكوكب الأرض هل تحمل مثل هالبلاد - متروك العنزي

ياكوكب الأرض هل تحمل مثل هالبلاد
‍ وامجاده الخالده والعلم هي منهله

هي موعد النور وسط الكون من قبل عاد
وهي مهبط الوحي يوم الله تعالى انزله ‍

فيها الحرمين تبقى قبلة للعباد
‍ نور من الله زاح الظلم هو وجهله

نور على نور فيها النور والعدل ساد
والخير في موطن آل سعود من يجهله ‍

الله حماها من العابث واهل الفساد
كم حاقداً من جذوره لآطغى زلزله ‍

على هدى الهادي رجال مشوا بجتهاد
اهل الزعامه وأهل الطيب والمرجله

نقوة حرار الأمام اللي نقاها وجاد
والجود طبعه عسى الجنات هي منزله ‍

من سعود لفيصل لخالد للفهد بعتماد
مشوا على منهجه واتمسكو بعمله

واليوم في عهد ابو متعب بها النور زاد
ياسيدي كل طيب ونور انتم هله ‍

خيرك على الشعب كل الشعب شي وكاد
مافيه حيا بهذا الموطن الأ شمله ‍

ياسيدي مين مثلك بالكرم له مداد
أهل الكرم من يمينك تاخذ الأمثله

كم عاش من خير كفك بالليال الشداد
‍ من جاك مضيوم قلت الضيم عنك ازهله

عز الضعيف ان تردا فيه زرع وحصاد
‍ ان جا مجال الكرام توقف الأسئله

امام عملاقها يفظ جمع المزاد
‍ ميزان كفك رجح مليار مايعدله

يالنادر اللي بطيبك زايداً ماتزاد ‍
ابو اليتاما وعز الشيخ والأرمله

ياتاج راس الشهامة في زمان تكاد
منه تصير العلوم الطيبه مهمله

شوفتك عيد ٍ يكفي عن جميع العياد
في شوفتك الليالي بالسعد مقبله

وسلطان ياذخرنا عند الصعاب العواد
‍ تلقى مضيفه مشرع كل شخص دهله

من جاه راحت همومه عنه راحت بداد ‍
شتت همومه ولا به عاد هم ازمله

في غيبتك كم دعينا في بهيم السواد
دعوات صادق عسى الله بالعمر يمهله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر