معجزات حرب قصيده مهداه لقبيلة حرب

لـ ، ، في المدح والافتخار، آخر تحديث :

الطيب له بين العرب الذكر ورواه
مجالس اهل الطيب تسمع لراويه
تذكر به رجالن على الطيب مطراه
اللي تسوم الطيب حباً وتشريه
اهل المواقف والطروق المخلاه
اللي ينومس ذكرهم يوم نطريه
حرب الدول كسابت الصيت والجاه
اللي اليا جاء ذكرها النعم نثنيه
اهل الثلاث المعجزات المنباه
ناموسها من قدم معروفةٍ فيه
حفظ الامانه والكرم والمخاواه
طبعاً لحرب وحرب لليوم تحييه
فعل البلالي من قديما سمعناه
يومن ولد الجار فكه ويفديه
قال امسكوني عنه جاهل وبفداه
عشان امه ما تنكد وتبكيه
ونويشي لثار الخوي حط منداه
على قبر ضيفه ذبح من بني خيه
سته لجل ضيفه ذبحهم ولا كفاه
ولحقهم بخاله وقطع له ايديه
وخلف لحاله معجزه ما نسيناه
شيخ الكرم يعرف ولحدن بناسيه
اكرم شيوخ الارض ماتعطي اعطاه
لوما كسب من يطلبه كسب يعطيه
اوجزة نبذه والفعل يصعب احصاه
وفعولكم صعباً على الشعر يحصيه
يقوله سبيعي وربعه هل الجاه
قبيلةٍ يطمح لها الطيب و تجيه
كبار البخوت اهل البيوت المبناه
يزبن بها اللي حادي الوقت حاديه
اهل العشر واهل الثلاث المسماه
والجار يدله في حماها وتحميه
تم الكلام اللي على الطيب مبداه
اللي على درب المراجل مباديه
ابيات شعرن من سبيعي ومهداه
لحرب و المنشد سبيعي ويهديه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين