احياء الذكرى

لـ احمد الكثيري، ، في غير مُحدد، آخر تحديث

احياء الذكرى - احمد الكثيري

يابنت من شوفتك راحت حياتي
ذقت الظما والنهر قدام عيني

ارجوك مدّي المي قبل المماتي
ومن رحمة الرحمن لا تمنعيني

شفت الظما وش لون يبّس شفاتي
واصيح باعلى الصوت ما تسمعيني

شفت الظما وش لون خلاّ النباتي
متهالكة واللي خلقنا يعيني

ارجوك لمي يابنيه شتاتي
وبحضرتك لو ثانيه تجمعيني

ارجوك فيني لا تطيعي الوشاتي
لا تسمعين لعاذليّ اللعيني

ارجوك لحظه حقّقي امنياتي
تكفين نارك ولّعت باضلعيني

ان كان عندك حل لي ياغناتي
قلب الكثيري صار بين اصبعيني

وان كان مايمديك بكتب وصاتي
وارجوك تقريها ولا تخدعيني

وارجوك تحيي يا الغلا ذكرياتي
في وسط قلبك والعيون اوضعيني

هذي حروفي لو يطوّل سكاتي
الصبر زين وبالإله استعيني

© 2024 - موقع الشعر