ترى السكوت احيان خصله من الذوق - سلطان عتيق الحربي

مدخل
من يجهل بحس المشاعر عوافي

لله في خلقه شؤون ومعاني
واللي قرا بالعين كل الخوافي

اوفى بوعده وارتوى به حناني
لجلك عشقت العمر ياحلا سنينه

انتي ولاغيرك بعيني قريتي
خافي شعوري بالحنايا ونينه

واستلهم المعنى شعورك وجيتي
دوى وبلسم ع الجروح الدفينه

قلتي وفعلا بالمعاني وفيتي
في عنفوانك مع جنونك سكينه

على جموح الشوق يوم امتطيتي
والقلب قبلك كان ربي يعينه

واليوم لجروحه بحضنك شفيتي
قام يتجدد بالثواني حنينه

يصهل جموح العشق مهما سقيته
مايرتوي مهما رويتي انينه

يظمى لحضن الشوق كل مارويتي
دامك على الصامت سمعتي رنينه

وشلون مايظماك كل ماعطيتي
يامن قريتي كل خافي بعينه

وبعينك اوفيتي بكل ماعنيتي
مخرج

ترى السكوت احيان خصله من الذوق
لاصار كثر الهرج ماله مسامع

ماني من اللي لاهرج هرجته بوق
ولاني من اللي بالحكي له مطامع

انا كلامي يوم قلته من الشوق
تعبير صادق والشواهد مدامع

© 2024 - موقع الشعر