سر المحاني - سلطان عتيق الحربي

تعذر علومي تعابير وحروف
لجل التوجد بالمشاعر طبيعه

حتى الكلام وشرح الاحوال مكفوف
البوح عاجز والخوافي شنيعه

لاتستثير الحكي بلسان مكتوف
قبل انك تنور ظلام الوسيعه

الوضع مايخفى وانا كتاب مكشوف
يقراه من يرضا حقوق الشريعه

بانصاف واعي مدرك الحق ويشوف
ويميز بعقله ولاهو تبيعه

هذي خوافي سرها داخل الجوف
ولاكل من جانا .. بسومه نبيعه

وان كان لامنطق يبرهن ومعروف
العقل مايقبل بأيت ذريعه

سر المحاني مايبي شرح ووصوف
يفهم به اللي مانتظر من يذيعه

© 2022 - موقع الشعر